Hövzə xəbər agentliyinin məlumatına görə, Höccətül-İslam vəl-Müslimin Seyid Məhəmməd Mehdi Mirbaqiri, Müqəddəs Ramazan ayının iyirmi birinci gecəsi Cəmkəran Məscidində İmam Zaman (ə.f) aşiqləri və intizarında olanların toplaşdığı mərasimdə çıxış edib. O, Qurani-Kərimin ən ümidverici ayəsinin Hud surəsinin 114-cü ayəsi olduğunu qeyd edərək bildirib: Bu ayədə saleh əməllərin günahları yox etməsi vurğulanır. Çünki yaxşı əməllər insan ruhuna incəlik və saflıq bəxş edir, günahların təsirini yuyub qaranlığı işığa çevirə bilər.

O, bu ayədə namazın birbaşa yaxşı əməl kimi təqdim edildiyini və günahları silmə gücünə malik olduğunu vurğulayaraq bildirib: Bir xeyir əməl var ki, insanı bütün çirkinliklərdən təmizləyir və bütün digər yaxşı əməllər ona tabedir. Bu isə – həmişə haqq imamla birlikdə olmaq və ondan uzaqlaşmamaqdır. Çünki haqq imamın yaxşılıqları insanın çirkinliklərini aradan qaldırır.

 Xubriqan Rəhbərlik məclisinin üzvü qeyd edib ki, Qədr gecəsi insanın özünü hesaba çəkmə vaxtı və böyük qərarların gecəsidir. O əlavə edib: Qədr gecəsi – hər şeydən üz çevirib haqq imama sığınmaq gecəsidir, eynilə Hürün etdiyi kimi.

Sonda Höccətül-İslam vəl-Müslimin Mirbaqiri bildirib: Bu gecə İmam Zaman (ə.f) bütün aləmin taleyi ilə bağlı qərarlar verir. Hər il Qədr gecəsində haqq və batil cəbhələri arasındakı nisbətin bir hissəsi zühur yolunda müəyyən edilir. Bu gecə biz də bu döyüşdə öz mövqeyimizi seçməliyik.